عن أبي ذر ومعاذ بن جبل رضي الله عنهما ، أن رسول الله صلى الله عليه وسلم قال : اتق الله حيثما كنت ، وأتبع السيئة الحسنة تمحها ، وخالق الناس بخلق حسن رواه الترمذي
എപ്പോഴും എവിടെയും സൂക്ഷ്മതയുള്ളവരായിരിക്കണമെന്നത് തിരു ഉപദേശങ്ങളിൽ സുപ്രധാനമായതാണ്. ഭൗതികവും ആത്മീയവുമായ സകല വിജയങ്ങളുടെയും നിദാനവും അതു തന്നെ. അല്ലാഹുവിന്റെ കാരുണ്യവും സ്നേഹവും സാമീപ്യവും പാപമോചനവും സ്വർഗപ്രവേശനവും നരകരക്ഷയും അമലുകളുടെ സ്വീകാര്യതയും വിഭവസമൃദ്ധിയും പ്രയാസങ്ങളിൽ നിന്നുള്ള വിടുതിയുമെല്ലാം തഖ് വയുടെ നേട്ടങ്ങളാണ്.
മുള്ളുകൾ നിറഞ്ഞ വഴിയിലൂടെ നടക്കുന്ന ഒരാൾ ശരീരത്തിൽ പോറലേൽക്കാതിരിക്കാൻ എത്ര ശ്രദ്ധിക്കുമോ അത്ര സൂക്ഷ്മത ജീവിതത്തിൽ ഉണ്ടാകണം. അതു തന്നെയാണ് തഖ് വയുടെ സാരവും. സ്വർഗത്തിലേക്കുള്ള യാത്രക്കിടയിൽ തടസ്സങ്ങളായി വരുന്ന ശത്രുക്കളെ നാം സൂക്ഷിക്കണം. ശൈത്താനും ശാരീരികേച്ഛയും ദുൻയാവും ദുശിച്ച ജനങ്ങളുമാണാ വഴി മുടക്കികൾ.
ഇഹപരവിജയത്തിനായി സൂക്ഷ്മതയുള്ളവരായി മുന്നേറുക. നാഥൻ തന്നെ തുണ....
Faisal Qasimy
No comments:
Post a Comment