عن كعب بن عياض رضي الله عنه قال: سمعت رسول الله صلى الله عليه وسلم يقول (( إن لكل أمة فتنة، وفتنة أمتي المال)). رواهُ الترمذي
എല്ലാ സമുദായങ്ങൾക്കും ഓരോ പരീക്ഷണങ്ങളുണ്ടെന്നും എന്റെ ഉമ്മത്തിന്റേത് സമ്പത്താണെന്നുമാണ് തിരുവചനം. സമ്പത്ത് ഒരു പരീക്ഷണമാണെന്ന് വിശുദ്ധഖുർആനിലും വ്യക്തമായ പരാമർശമുണ്ട്.
സമ്പത്ത് നൽകിയും നൽകാതെയും അല്ലാഹു നമ്മെ പരീക്ഷിക്കുന്നു. അവൻ ഔദാര്യമായി നൽകിയതിൽ നന്ദിയുണ്ടോ എന്നും സാമ്പത്തികമായി വലിയ മെച്ചം നൽകാത്തതിൽ ക്ഷമ പാലിക്കുന്നുണ്ടോ എന്നുമാണ് അവന്റെ നോട്ടം.
മുമ്പുള്ള സമുദായങ്ങളെ പോലെ സമ്പത്ത് നൽകപ്പെടുകയും അതിലായി പരസ്പരം മത്സരിക്കുകയും അവർ നശിച്ചത് പോലെ നിങ്ങളും നശിക്കുന്നതിനെയുമാണ് ഞാൻ ഭയക്കുന്നതെന്ന തിരു വചനം ഓർമ്മയിലുണ്ടാകണം. ദാരിദ്ര്യം ദൈവനിഷേധത്തിലേക്കെത്തിക്കുമെന്നതും മറക്കരുത്.
റബ്ബ് നൽകിയതിൽ എപ്പോഴും നന്ദിയുള്ളവരാകുക. അവനെ വിസ്മരിക്കരുത്. പ്രതിസന്ധികളിൽ തളരാതെ അവനിലേക്ക് തവക്കുലാക്കുക. അവനിലേക്കടുക്കുന്നവർക്ക് അവൻ തന്നെ കൂട്ട്.....
Faisal Qasimy
